Bunga2 Pidato Adat

Bunga-bunga pidato adat pasambahan

Acara  di Pesta (Resepsi)

 Kata pembuka :

1.

Bismillahirohmanirrohim,

Assalamu’alaikum….

Dek lamo-lambek di jalan,

akhienyo kasampaian juo,

kini lah tibo golek pek nan data,

anak daro jo marapulai ka di pasandiangkan …Musik pengiring aksi !!!

kedua mempelai dipersilahkan menuju pelaminan untuk dipersandingkan..

2

Bismillahirohmanirrohim,

Assalamu’alaikum….

Ampun dimohonkan pado nan Satu,

Maaf dimintak pado Penghulu, Ninik-mamak nan gadang basa batuah, Imam, khatib, billa, 

Maulana jo Tuanku, jo Manti pegawai adat,

Nan mudo pambimbiang dunia, gadang-ketek, tuo jo mudo,Sarato laki-laki jo parampuan.

Nan dilingkuang barieh jo balabeh,

Di dalam cupak jo gantang, dikanduang adat jo pusako.

Bundo Kanduang di dalam panggilan hambo juo. (Dilanjut dengan …… Ibu2/bpk2 yth… dst)

·         Acara mempersilahkan makan sirih

3

Kata pembuka :

Bismillahirohmanirrohim,

Assalamu’alaikum….

Yth, ………….., Salam takzim tibo pado (Dt/Tuanku), gelar……,

Jalannyo banna nan tasabuik, dek alua manantang banna,

Dek luruih tujuan kato, kato sungguah banna talatak,

Rundiang asah paham lah tantu. Namun ka baa  ko lai kini…..

Sirieh sahalai minta dicabiek, Pinang sadidih tolonglah gatok, Gambie sabuah nak bapipia, Sadah di cupu nak bapalik.

Dipalik jo jari manih, dibeleang ka jari tunjuak,

Mambayang ka tapak tangan,

Tanam sirieh-tanamlah pinang, tanam karakok di halaman, Cabiek sirieh gatoklah pinang,

Gilianglah rokok pamenan tangan.

Kepada yth…….. Yth, ………….., Salam takzim tibo pado (Dt/Tuanku), gelar……, dipersilahkan……..

Demikian sajo,…

Wassalam…..

Acara –Acara pertemuan

4

Kata pembuka :

Bismillahirohmanirrohim,

Assalamu’alaikum….

Ampun dimohonkan pado nan Satu,

Maaf dimintak pado Penghulu, Ninik-mamak nan gadang basa batuah, Imam, khatib, billa,  Maulana jo Tuanku, jo Manti pegawai adat,

Nan mudo pambimbiang dunia, gadang-ketek, tuo jo mudo, Sarato laki-laki jo parampuan.

Nan dilingkuang barieh jo balabeh,

Di dalam cupak jo gantang, dikanduang adat jo pusako.

Bundo Kanduang di dalam panggilan hambo juo.,

Kalau basiang dinan tumbuah, jikok manimbang din nan ado, sandi undiko dalam kampuang, datuak tampuak jo tangkainyo,

tajadi silang jo salisieh, kusuik di rapek salasaiinyo.

Salam takzim tibo pado (Dt/Tuanku), gelar……, …….. ………….., Kepada yth, dipersilahkan……..

(mengambil tempat yang telah disediakan…)

Menyampaikan susunan acara

Dst……

Demikian sajo,…

Wassalam…..

Acara –Acara pertemuan

5

Kata pembuka :

Bismillahirohmanirrohim,

Assalamu’alaikum….

Ampun dimohonkan pado nan Satu,

Maaf dimintak pado Penghulu, Ninik-mamak nan gadang basa batuah, Imam, khatib, billa,  Maulana jo Tuanku, jo Manti pegawai adat,

Nan mudo pambimbiang dunia, gadang-ketek, tuo jo mudo, Sarato laki-laki jo parampuan.

Nan dilingkuang barieh jo balabeh,

Di dalam cupak jo gantang, dikanduang adat jo pusako.

Bundo Kanduang di dalam panggilan hambo juo.,

Kok tumbuah kusuik dalam kampuang, hutang di kita manyalasai, kok karuah di dalam Korong, hutang di kito manjanihi, nan ma hukum adia ba kato bana.

Ka pai tampek ba tanyo ka pulang bakeh ba barito, iyo dek anak kamanakan. Sampai ka dalam Korong jo kampuang, lapeh ka koto jo nagari.

Salam takzim tibo pado (Dt/Tuanku), gelar……, …….. ………….., Kepada yth, dipersilahkan……..(mengambil tempat yang telah disediakan…)

Menyampaikan susunan acara

Dst……

Sekian sajo,…..

Wassalam….

Acara minta dibacakan do’a

6

Kata pembuka :

Bismillahirohmanirrohim,

Assalamu’alaikum….

Dek niek sapanjang hari, dek ikara sapanjang gawa, dek gawa sapanjang diam, awa dibuek minum-makan, Qur’an dibaco niek dinazar, kok kurang salamaik samparono, kok ampiang-ampiang sapadi, kok sumbiang-sabarih, maaf jo rela pamanuhi.

Limbak nan dari pado itu, dicari bulek sakato, alah diampiang picak-picak, alah digeleang bulek-bulek, picak lah bulieh dilayangkan, bulek lah bileh digoloangkan, handak maminta do’a salamaik, mintak nak sampai pado Allah. Saru nak lalu ka junjungan, nan mati-mati dahulu, namun arwah tacinto juo, nak salamaik iko kateh, bumi sanang padi manjadi, umua panjang rasaki murah, kapado yth…….(Dt/Tuanku/Angku Malin….. sebutkan gerlarnya……….., nan duduak di ateh rumah, baitupun kapado kito nan basamo. Supayo jaan tumbuah silang-salisieh, sumua digali aia tabik, iyo ba baco do’a gak sapatah andaknyo …….(Dt/Tuanku/Angku Malin….. sebutkan gerlarnya……….., sakian sambah dari kami….

Kepada Yth …….(Dt/Tuanku/Angku Malin….. sebutkan gerlarnya……….., dipersilahkan untuk membaca do,a.

·         Acara (seremoni) Malewakan gala saat pesta…

7

Kata pembuka :

Bismillahirrohmanirrohim,

Assalamu’alaikum….

Sambah tajelo dinan rapek, maaf tasimpuah din nan banyak, ujuik kapado ninik-jo mamak, penghulu nan gadang basa batuah, nan tinggi patuik dianjuang, nan gadang karano ditambah, billa maulana jo tuanku, jo manti hubungan kato, sarato dubalang pegawai adat, maliputi ibu jo bapak, nan ketek jo mudo matah, sarato nan tuo di dalam kampuang.

Gulamo mudiek ka hulu, mati di semba ikan tilan, kanailah anak bada balang, pusako ninik nan dahulu, lai babuah ba kamanakan, nan satitiek ba pantang hilang, nan sabarih ba pantang lupo, sampai kini ba pakai juo.

Dst….

Dilanjutkan dg niat mau malewakan gala kepada marapulai……..…….. yang semasa kecil bernama ……………… setelah gadang bergelar ………………..

Demikian sajo,…

Wassalam…..

 Acara (seremoni) Malewakan gala saat pesta (Resepsi Pernikahan)

8

Kata pembuka :

Bismillahirrohmanirrohim,

Assalamu’alaikum….

Sambah tajelo dinan rapek, maaf tasimpuah din nan banyak, ujuik kapado ninik-jo mamak, penghulu nan gadang basa batuah, nan tinggi patuik dianjuang, nan gadang karano ditambah, billa maulana jo tuanku, jo manti hubungan kato, sarato dubalang pegawai adat, maliputi ibu jo bapak, nan ketek jo mudo matah, sarato nan tuo di dalam kampuang.

Dek warih jawek ba jawek, dek pusako tuluang-batuluang, sampai sakarang iko kini, nan sako turun-tamurun, pusako jawek ba jawek, juo di alam minangkabau .

Dst….

Dilanjutkan dengan niat mau malewakan gala kepada marapulai…….. yang semasa kecil bernama ……………… setelah gadang bergelar ………………..

Demikian sajo,…

Wassalam…..

 Acara (seremoni) Malewakan gala saat pesta…

9

Kata pembuka :

Bismillahirrohmanirrohim,

Assalamu’alaikum….

Ampun dimohonkan pado nan Satu,

Maaf dimintak pado Penghulu, Ninik-mamak nan gadang basa batuah, Imam, khatib, billa,  Maulana jo Tuanku, jo Manti pegawai adat, Nan mudo pambimbiang dunia, gadang-ketek, tuo jo mudo, Sarato laki-laki jo parampuan.

Nan dilingkuang barieh jo balabeh,

Di dalam cupak jo gantang, dikanduang adat jo pusako.

Bundo Kanduang di dalam panggilan hambo juo.,

Ramo-ramo sikumbang jati, katiek endah pulang bakudo, patah tumbuah hilang baganti, pusako lamo bak itu juo.

Biriek-biriek tabang ka samak, dari samak ka halaman, patah sayok tabang baranti, tasuo di tanah bato.

Dari niniek turun ka mamak, dari mamak ka kamanakan, patah tumbuah hilang baganti, pusako di bao dek nan mudo.

Adat pulai bapangkaek naik, maninggakan rueh jo buku, manusia bapangkek turun, maningga-kan  adat jo pusako.

Mati datuak baganti datuak nan gala tatap bak samulo.

Tipak sakarang iko kini, lah bulek lah bulek aie ka pambuluah, lah bulek kato dek mufakat, bulek lah buliah di golekkan, pipieh lah bulieh di layangkan.

Tibo di adat lah ba isi, kalau limbago lah batuang, tanduak samo di tanam, darah sudah ba kacau, dagiang samo dilapah. Manuruik adat nan ba pakai.

Kok ketek ba namo……….

Kini Bagala……………….

Dst….

Dilanjutkan dengan mengumumkan kepada seluruhh undangan yang hadir (gala marapulai adalah……..

Kok basuo di labuah nan gadang, di tapian nan rami.

Mulai dari iko kateh, kito panggie  baliau jo gala …………

Aktraksi pasambahan (ringan):

Pembawa acara:
- Manolah tuan, Tuanku (utk gelar Dt....,, Rajo ......., Bagindo, Sutan, dll .)disebutkan gelarnya..
atau
- Namolah angku, Angku ( utk gelar Malin...., Khatib, Bila, Imam, Pakih, dll)

Jawab Pengantin Pria yg sdh dilewakan gelarnya:
- Sampaikan juolah  dek ...."Tuanku" !!!! /"Angku sesuai panggilan... tsb di atas jika pembawa acara menyebut "Tuanku" maka jawab dengan tuanku. jika Mc menyapa dengan panggilan "Angku" mk jawablah dengan "Angku"

Pembawa Acara :
Utk salanjuiknyo marilah kito panggiakan kepada baliau Nama:.......... dengan Gala........

Kok basuo di labuah nan rami, iyyo gala baliau iko kateh nen ka kita panggiakan lai komah....
lai satuju....?????

Hadirin dan para Undangan  Menjawab :  Satujuuuuuu!!!!

Demikian sajo,…

Wassalam…..

Acara (seremoni) mempersilahkan makan saat pesta…

10

Kata pembuka :

Bismillahirrohmanirrohim,

Assalamu’alaikum….

Pado kutiko iko kini, lah ampek adat nan ba pakai, partamo sambah-manyambah, ka duo baso jo basi, ka tigo sisireh jo pinang, ka ampek minum jo makan.

Nan di kato sambah mayambah, ganti mulia-ma muliakan, tando hiduik ba nagari, tandonyo ba kampuang ba halaman, rukun damai dalam nagari, ta kato baso jo basi, di like ereang jo gendeang, mamakai paham rabah-tagak, runciang kok lai ka mancucuek, tajam kok lai ka maluko.

Nan dek tuo sirieh jo pinang, adat using pusako lamo, di dalam luhak nan tigo, balanjuang gantang ba lambak, panungkek tinggi ba anjuang.

Nan dikato minum jo makan, mulia alek dek minum-makan.

Namun sakarang iko kini, cancan nan duo sagaragai, adat nan duo sakaitan, aso adat kaduo syarak, niat sampai kaua balaku, adat jo syarak lah salasai, adat lah tabatu intan, syarak lah taujudullah, kaateh lah ta-ambun jantan, ka bawah ta kasiek bulan. Pado katiko iko kini.

Kepada seluruh Undangan & hadirin  yth…

Dipersilahkan mencicipi makanan serta minuman yang telah disediakan.

Demikian sajo,…lebih kurangnya mohon maaf.

Wassalam…..

@@@Bunga2 Pidato Adat